I've almost finished reading most of this back catalogue, and to celebrate n firm affirmation of Irvine Welsh's superiority in fiction I'm grabbing a few snippets that inspire me whenever I'm gnashing through one of his books and I'm near my laptop.
Daniel 'Spud' Murphy in Porno:
"June's shakin n ah offer her a fag and light it for her. She pits oan the kettle n cannae find any clean cups. She tries tae rinse one, tries tae squeeze oot some Squeezy in at it, but aw that comes oot is a fart sound. She goes tae one ay the bags and gits a fresh bottle, but she cannae git the toap off wi her shakin hands. She bursts intae tears, no jist sobbin, proper wailin this time. -- Ah'm sorry, it's ma nerves, everything's gone wrong here ... look at the place. It's the bairns ... thir such a handful ... ah git nae support, ah mean Frank's back oot but eh's only been doon once tae see thum, never even took them oot! Oot ay jail fir ten minutes n wearin fancy new shirts n clathes n jewellery ... they sovereign rings ... ah cannae cope, Spud ... ah cannae cope ...
Ah look at the pile ay dishes. -- Tell ye what, ah'll gie ye a hand wi thaime, let's just blitz the kitchen here. It'll make ye feel better, man, when they aw go, cause that's it, when ye feel like shite, like drained ay yir energy, n ye see a big pile ay washin in the sink; that is the worst, man, the ultimate worst, it's like aw the energy jist sortay goes doon the plughole, man, jist doon. So a problem shared is a problem halved n aw that, June, man.'
-- Naw it's okay ...
-- Hey! C'moan! Ah stick oan an apron. -- Lit's blitz, man, lit'z blitz!
June's protestin as ah fire intae the dishes, but it's half-hearted, n se picks up a bit when wi start making headway, and in nae time at aw, it's gone man, the problem is gone and everything is clear and possible again. Jist clear the heid and do it, man, just dae it. Ken? Like me wi the writin, man, jist git in thaire n dae it!
That's me done good, man, simple practical good. Ah'm buzzin, man, buzzin like ah'm oan the strongest speed known tae man. It's goat tae be said thit the June lassie is in better mental shape thin whin ah found her, man, too right."